Prokuroritë themelore në Kosovë kanë ngritur 54 aktakuza gjatë 24 orëve të fundit, ndaj gjithsej 58 personave për vepra të ndryshme penale.

Sipas raportit 24-orësh të Prokurorit të Shtetit, gjatë kësaj periudhe janë zhvilluar një sërë veprimesh procedurale në kuadër të trajtimit të rasteve të ndryshme penale.

“Prokurori i Shtetit ju njofton se gjatë 24 orëve të fundit janë ngritur pesëdhjetë e katër (54) aktakuza, kundër pesëdhjetë e tetë (58) personave, për kryerjen e veprave të ndryshme penale”, thuhet në raport.

Po ashtu, gjatë 24 orëve të fundit janë ndaluar 13 persona.

Ndërkohë, prokuroritë kanë parashtruar edhe dy kërkesa për caktimin e masës së paraburgimit ndaj dy personave.

Prokurori i Shtetit vazhdon të publikojë raportet e përditshme lidhur me veprimet e ndërmarra nga prokuroritë në të gjithë Kosovën.