Kryeministri i Kosovës, Albin Kurti, ka pranuar urime për formimin e Qeverisë dhe mandatin e ri nga ambasadori i Gjermanisë në Kosovë, Rainer Rudolph, si dhe nga kryeministrat e Malit të Zi dhe Maqedonisë së Veriut.

“Në vazhdën e urimeve për formimin e Qeverisë dhe mandatin e ri, kryeministri i Republikës së Kosovës, Albin Kurti, ka pranuar letra nga kryeministrat e Maqedonisë së Veriut dhe Malit të Zi, si dhe nga Ambasada e Gjermanisë”, është thënë në njoftimin e Qeverisë.