SC Gjilani ka regjistruar një fitore të rëndësishme në rrugëtimin e saj të mëtutjeshme në Superligën e Kosovës në futboll. Si mysafire, skuadra “kuq e bardh”, ka shënuar fitore në Skenderaj ndaj Drenicës me rezultat minimal, (0:1).

Skuadra gjilanase golin e fitores e shënoi në minutën e 82-të të takimit përmes Senad Jaroviqit.

Gjilani ka shënuar kështu një fitore, në një moment të rëndësishëm, për një ngritje të lehtë në tabelë dhe për t’u motivuar edhe më, për rezultate pozitive, të cilat do ta dërgonin në pjesën e sipërme të tabelës.

Kur në Superligën e Kosovës në Futboll, deri më tani janë luajtur 15 javë, aktualisht Gjilani është në pozitën e 7 me 19 pikë.