Prishtina është befasuar nga Prishtina e Re në xhiron e pesëmbëdhjetë të Superligës së Kosovës. Gjithashtu edhe Gjilani ka arritur të fitojë ndaj Drenicës në Skenderaj.

Prishtina e Re ka shkëlqyer duke triumfuar 4–1 ndaj Prishtinës, në një ndeshje ku vendasit kanë dominuar që nga fillimi.

Qysh në minutën e parë, një autogol i Boueye i ka dhënë epërsinë Prishtinës së Re (1–0).
Në minutën e 22-të, Dadet e ka shënuar golin e dytë, duke thelluar epërsinë.

Prishtina u kthye për pak çaste në lojë me golin e Taipit në minutën e 30-të, por vetëm katër minuta më vonë Prenci ka shënuar për 3–1.
Në pjesën e dytë, Hasanaj e ka realizuar golin e katërt në minutën e 74-t, duke vulosur fitoren e thellë 4–1.

Në Skenderaj, Drenica dhe Gjilani e kanë zhvilluar një ndeshje të fortë dhe të luftuar. Pas një pjese të parë pa gola, mysafirët e kanë gjetur rrjetën në minutën e 82-të, duke siguruar një fitore të rëndësishme jashtë fushe me rezultat 1–0.

Pas këtij xhiro, Prishtina vazhdon të kryesojë renditjen tabelare me 26 pikë, pavarësisht humbjes.
Në anën tjetër, Prishtina e Re mbetet në vendin e fundit me 12 pikë.

Të dielën zhvillohen edhe tri ndeshje të tjera të Superligës së Kosovës.