“Dhjetë muaj me radhë, Republika e Kosovës është mbajtur në bllokadë nga dikush që nuk e kupton demokracinë. Nga dikush që nuk e njeh rregullin themelor se shumica ndërtohet – nuk improvizohet; se legjitimiteti fitohet në Kuvend dhe tek qytetari e jo në propagandë.”, ka deklaruar Abdixhiku.

Ai ka thënë se Kosova nuk mund të mbahet peng “i një njeriu dhe i një grupi që nuk e njeh as shumicën, as demokracinë, as ligjin”, teksa e ka cilësuar këtë si uzurpim të institucioneve.

“Kemi ministra që qëndrojnë në detyrë pa të drejtë. Kemi deputetë që mbajnë dy funksione në kundërshtim me Kushtetutë. Kemi një qeveri që sillet sikur ligji vlen për të tjerët, por jo për ta. Kemi uzurpim të pastër të institucioneve të Kosovës nga njerëz që e dinë se nuk kanë shumicë, nuk kanë mandat, nuk kanë besim – por nuk duan të lëshojnë karrigen”, ka thënë Abdixhiku./Reporteri.net