Presidentja Vjosa Osmani ka theksuar se sot, në Ditën e Veteranëve të UÇK-së, përulen me respekt të thellë para burrave dhe grave që u ngritën kur liria ishte vetëm një ëndërr.

“Ata u bënë mburojë e popullit, zë i atdheut dhe shpresë në kohën më të errët. Veteranët e UÇK-së janë dëshmia se liria nuk dhurohet, por fitohet me guxim dhe sakrificë. Rrugëtimi i tyre drejt lirisë u kurorëzua me dinjitet dhe fitore”.

“Lavdi e përjetshme dëshmorëve të kombit. Nderim i përhershëm veteranëve të UÇK-së!”, ka theksuar Osmani.