Deputeti i Aleancës, Burim Ramadani, ka përgëzuar Prokurorinë Speciale, Policinë e Kosovës dhe sektorin e sigurisë për punën në zbardhjen e krimeve të luftës.

Ramadani, përmes një postimi, ka vlerësuar arrestimin e sotëm të të dyshuarve në komunën e Zubin Potokut, duke theksuar se drejtësia duhet të vazhdojë të ndjekë rastet e krimeve të luftës.

“Përgëzoj Prokurorinë Speciale, Policinë e Kosovës dhe sektorin e sigurisë për përkushtimin profesional në zbardhjen e krimeve të luftës. Arrestimi i sotëm i të dyshuarve në komunën e Zubin Potokut dëshmon se e vërteta nuk humbet kurrë”, ka shkruar Ramadani në ‘Facebook’.