Interi tash është në dijeni për dëshirën e Mauro Icardit që të largohet në verë.

Klubi italian duket se është dorëzuar para dëshirës së Mauro Icardit, i cili po kërkohet tani nga PSG-ja.

Skuadra italiane është e gatshme që të heq dorë nga sulmuesi argjentinas, ndërsa i dëshiron shërbimet e sulmuesit të PSG-së, Edinson Cavani, “Gazzetta dello Sport”.

Situata e dy sulmuesit është pak a shumë e ngjashme, pasi që të dy e duan largimin nga klubet e tyre aktuale.

Interi dëshiron ta shkëmbejë Icardin me Cavanin, ndërsa sipas mediumit italian, marrëveshja mund të arrihet qysh në fillim të muajit qershor.