Veterani i UÇK-së, Shefki Hodaj nga Suhareka, ka dhuruar pensionin e veteranit për të blerë pako ushqimore për familjet që kanë nevojë. Këtë gjest të tij e ka bërë me dije kreu i Suharekës, Bali Muharremaj, i cili ka falënderuar të gjitha ata që po shprehin angazhimin humanitar në këtë kohë të pandemisë

Shkrimi i Muharremajt:

Shefki Hodaj, veteran i Luftës së UÇK-së nga fshati Samadraxhë, e ka dhuruar pensionin e tij mujor të veteranit për pako ushqimore, vlerë e cila do të destinohet për familjet që kanë nevojë.

Është shumë emocionues një veprim i tillë, ngase kjo tregon shumëçka për shoqërinë tonë.

Jemi falenderues ndaj të gjithë atyre që po shprehin angazhimin humanitar, në këtë kohë të pandemisë.