Gjiganti i elektronikës koreano-jugore Samsung ka ndaluar të gjitha eksportet e produkteve në Rusi dhe kështu lidhet me mesazhet e mëparshme të ngjashme të gjigantëve të tjerë të IT, përfshirë Apple dhe Microsoft, për shkak të sulmit të Rusisë ndaj Ukrainës, raporton Bloomberg.

Ndalesa përfshinë gjithçka nga telefonat celularë, çipat e kompjuterit dhe pajisjet elektronike të konsumit.

Edhe kompania e shërbimeve të pagesave Paypal vendosi të shtunën në mëngjes të mbyllë shërbimet e saj në Rusi për të njëjtën arsye, raporton The Guardian duke iu referuar Reutersit.

Po ashtu, pronari i gjigantit spanjoll të veshjeve Zara, Inditex, njoftoi gjithashtu se kompania do të mbyllë përkohësisht rreth 500 dyqane në Rusi, paralelisht me tregtinë elektronike.

(Sh. Rexhaj)