Kandidati për deputet i PDK-së, Ragip Xhaka, ka falënderuar të gjithë ata qytetarë që e mbështetën në procesin zgjedhor të 9 shkurtit.

“Me mirënjohje të thellë për çdo votues, aktivist dhe qytetar që dha kontributin e tij për një Kosovë ma mirë. Mbi 200 mijë qytetarë i dhanë besimin partisë tonë, një përkrahje e fuqishme dhe shtysë që ne të shikojmë përpara”, ka shkruar Xhaka në Facebook.

Ai ka theksuar se një falënderim i veçantë shkon për kandidatin për kryeministër, Bedri Hamza dhe për kryetarin i PDK-së, Memli Krasniqi, që gjithmonë i kanë qëndruar besnik vizionit për një shtet të fortë dhe të barabartë.

“Angazhimi juaj është frymëzim për të gjithë ne! Faleminderit edhe njëherë!”, ka shkruar Xhaka.