Kryetari i Nismës Socialdemokrate, Fatmir Limaj, ka thënë se me dhimbje të thellë mori lajmin për ndarjen nga jeta të Haxhi Thaçit, babait të ish-presidentit Thaçi.

“Baca Haxhi ishte një njeri i dashur e me vlera të larta kombëtare, njeri i sakrificës, i cili gjithë jetën e tij u ballafaqua me sfida të rënda. Shto këtu edhe betejën e fundit të presidentit Thaçi në Hagë ai pothuajse gjithë jetën e kaloi me mall, por asnjëherë nuk u dorëzua përballë sfidave që i solli jeta”.

“Ngushëllimet më të sinqerta për familjen, miqtë, bashkëluftëtarët dhe mikun tim Hashim Thaçi. Prehu në paqe, baca Haxhi!”, ka shkruar Limaj në Facebook.