AAK-ja denoncon përzgjedhjen e nëntë ambasadorëve: Votimi u bë përmes telefonit

04 gusht 2022 | 14:12

Aleanca për Ardhmërinë e Kosovës (AAK) ka denoncuar përzgjedhjen e ambasadorëve të Kosovës në nëntë shtete.

Në një konferencë për medie të enjten, deputetja e AAK-së, Time Kadriaj, ka thënë se përzgjedhja e tyre është bërë në kundërshtim me Kushtetutën, pasi votimi i tyre është bërë pa kuorum dhe në mënyrë online.

Kadrijaj, ka denoncuar që siç ka thënë ajo përzgjedhjen e paligjshme të ambasadorëve në Komisionin për Politikë të Jashtme dhe Diasporë.

Kadrijaj tregoi se në shumë raste të përzgjedhjes së ambasadorëve në mungesë të prezencës fizike, kryetari i këtij Komisioni, Haki Abazi, ka telefonuar deputetët për të shprehur votën e tyre.

Sipas Kadrijajt, kjo është në kundërshtim me rregulloren e Kuvendit. Ajo ka njoftuar se këto praktika ku votimi është kryer përmes telefonit janë përdorur në rastin e përzgjedhjes të të propozuarit për Konsull në New York, Blerim Reka e gjithashtu edhe gjatë votimit të kandidatit për ambasador në Kroaci, Martin Berishaj.

“Kandidati i propozuar për ambasadorë në Kroaci, Martin Berishaj është përzgjedh në këtë mënyrë, që i bie edhe vetë Berisha është jolegjitim”.

“Kandidati i propozuar në Mbretërinë e Bashkuar, Në Emiratet e Bashkuara Arabe dhe në Francë, janë propozuar në mënyrë jo të rregullt. Të gjithë këta kanë bërë shkelje kushtetuese”, tha ai. /EO

Lajme të sponsorizuara

Të fundit
Ish-deputeti e zëvendësministri i Punëve të Brendshme, Fatmir Xhelili përmes…