Portieri i njohur Gianluigi Buffon së shpejti mund ta shpallë pensionimin e tij.

Sipas gazetarit Gianluca di Marzio në faqen e tij të internetit, futbollisti 45-vjeçar mund të refuzojë një ofertë nga Arabia Saudite dhe t’i japë fund futbollit.

Që nga viti 2021 Buffoni luan për Parma, ku dikur hodhi hapat e parë në futboll. Në vitet 2001-2018 dhe 2019-2021 Gianluigi mbrojti portën e Juventusit. Mes këtyre periudhave portieri kaloi një sezon te PSG-ja. Gjatë karrierës së tij, Gianluigi Buffon fitoi shumë trofe. Në vitin 2006 portieri u bë kampion bote si pjesë e kombëtares italiane.