Bytyqi shpreson që Kosova në shtator rikthehet në ENQA

15 maj 2019 | 00:30

Ministri i Arsimit, Shyqiri Bytyqi, në  ka thënë se në Ministrinë që ai drejton s’ka të punësuar partiakë.

“Ministria e Arsimit, më së paku ka angazhuar staf brenda krahasuar prej të tjerave. Kemi pasë reformë të brendshme, kjo ka qenë arsyeja pse s’kemi lejuar të kemi të afërt në ministri”, tha ai.

Sipas tij, në Ministrinë e Arsimit, deri tani s’ka asnjë zyrtar të nivelit të ulët apo të lartë që i takon partisë NISMA.

“Po them te pjesa e angazhuar që i takon shërbyesve civilë. S’kemi pasur asnjë ankesë zyrtare që dikujt i është bërë ndonjë padrejtësi”, tha ai.

Bytyqi tha se ka ngatërresa e paqartësi kur po bëhen akuza se në këtë ministri po punësohen partiakë të Nismës. Ai tha se ata persona që janë nga Nisma, i ka gjetur aty kur mori mandatin.

“Në Ministrinë e Arsimit ka më shumë të partive tjera se të Nismës. Asnjë zyrtar i lartë nuk është i punësuar tek ne”, u shpreh ai.

Për mbesën e tij, ka thënë se është në Ministri të Arsimit, dhe bënë punë praktike nga Ministria e Punës dhe Mirëqenies Sociale, dhe ka mohuar se ka kontratë mbi vepër.

Bytyqi ka folur edhe për rianëtarësimin në ENQA. Ka thënë se pret përgjigje pozitive.

“Po presim raportin final dhe jemi optimist që do të marrim përgjigje të mirë. Nga veprimet tona, sidomos që të kemi ligj të veçantë për agjencionin e akreditimit, besoj se do të rianëtarësohemi. Po presim përgjigje nga ENQA e vendimin final do ta marrim në fund të gushtit, konkretisht, në shtator. Jam i bindur që ne do të vazhdojmë rrugëtimin, pra rianëtarësimin tonë”, ka deklaruar ai.

Fjalët Kyçe:

Lajme të sponsorizuara

Të fundit
Analisti Fisnik Halimi që është edhe drejtor i Institutit të…