Deputeti Reçica përkujton Ramush Tahirin
Deputeti i Kuvendit të Kosovës, Elmi Reçica ka bërë homazhe pranë varrit të veprimtarit të dalluar të çështjes kombëtare, analistit, gazetarit e publicistit të shquar, Ramush Tahirit në përvjetorin e vdekjes së tij.
“Së bashku me Kreshnikun dhe me familjarë, shokë e miq të Ramushit, përkujtuam dhe evokuam kujtime për një njeri të rrallë e të jashtëzakonshëm, i cili ishte veprimtar i dalluar i çështjes kombëtare, analist, gazetar e publicist i shquar.”, ka shkruar Reçica në llogarinë e vet në “Facebook”.
Njoftimi i plotë i deputetit Reçica:
Së bashku me Kreshnikun dhe me familjarë, shokë e miq të Ramushit, përkujtuam dhe evokuam kujtime për një njeri të rrallë e të jashtëzakonshëm, i cili ishte veprimtar i dalluar i çështjes kombëtare, analist, gazetar e publicist i shquar.
Mungesën e tij po e ndjejmë të gjithë, e sidomos në këtë kohë kur dhe pritet të ketë zhvillime shumë të rëndësishme për të tashmen dhe të ardhmen e vendit dhe kombit.
I përjetshëm do të mbetet kujtimi për Ramushin.