Në Prokurorinë Themelore në Prishtinë është dorëzuar një kallëzim penal kundër ministrit të Punëve të Brendshme (MPB), Xhelal Sveçla.

Fadil Kodra, i cili është shkarkuar nga pozita e drejtorit të Agjencisë për Menaxhimin e Emergjencave (AME), e ka akuzuar Sveçlën për cenim të të drejtave në marrëdhëniet e punës dhe keqpërdorim të pozitës apo autoritetit zyrtar.

Përmes avokatit të tij, Faton Fetahu, Kodra në kallëzimin penal që mban datën e 22 korrikut, e ka akuzuar Sveçlën se ia ka cenuar të drejtat, duke e hequr krejt nga pozita e zyrtarit publik.

Avokati i Kodrës në kallëzimin penal ka shkruar se dëmi që e ka shkaktuar Sveçla, tejkalon shumën e 5 mijë eurove. Sipas tij, ajo që ka bërë ministri i MPB-së është e dënueshme me gjobë dhe burgim prej 3 deri në 10 vjet burgim. /Express/