Kampionia e Kosovës në futboll, Drita e ka humbur ndeshjen miqësore kundër ekipit rus Nizhny Novgorod (0-2).

Skuadra ruse ka shënuar dy golat në pjesën e parë të ndeshjes. Në ketë takim konkretisht në pjesën e dytë u paraqiten edhe dy lojtarë të rinj të cilët janë në prova me ekipin, Esosa Priestley Irogue dhe Henry Onoka Austine.

Për shkak të dëmtimeve në ketë ndeshje nuk u paraqiten Faton Maloku, Ardian Cuculi, Fidan Gërbeshi dhe Valmir Azemi.

Ndeshja tjetër zhvillohet më 30 janar me ekipin FK Chayka nga Liga e Parë ruse.

/Epoka e re/