Roma ka nisur bisedimet me Edin Dzekon dhe Stephan El Shaarawyn për zgjatjen e kontratave të tyre të cilat skadojnë në vitin 2020.

Boshnjaku pritet të firmosë deri në 2021, ndërsa ish-milanisti deri në vitin 2022. Në këtë mënyrë kryeqytetasit u paraprijnë “sulmeve” që mund të vijnë gjatë afatit kalimtar të janarit. Si Dzeko ashtu edhe El Shaarawy pritet t’i rinovojnë kontratat e tyre në fund të këtij sezoni, të cilat do të kenë edhe ndryshime sa iu takon pagave të lojtarëve që normalisht do të pësojnë rritje.