Ministrja e Punëve të Jashtme dhe Diasporës, Donika Gërvalla, ka përgëzuar EULEX-in për iniciativën e ndërmarrë për dërgimin e ndihmave në Ukrainë, duke e cilësuar atë si iniciativë kreative dhe të dobishme.

Gërvalla  ka thënë se Kosova nga dita e parë e agresionit rus në Ukrainë, e ka mbështetur këtë të fundit.

“Dua ta falënderoj EULEX-in për këtë iniciativë kreative dhe të dobishme. Kosova nga dita e parë e luftës së pajustifikueshme të Rusisë, ka treguar se ku qëndron Kosova, dhe ne qëndrojmë në anën e Ukrainës”, ka thënë Gërvalla.

Ajo ka thënë se Kosova e kupton shumë mirë gjendjen nëpër të cilën është duke kaluar Ukraina.

“Ndihmat humanitare, sanksionet dhe të gjitha masat tjetra politike e sociale janë një arsye që tregojnë se Kosova e kupton mirë se ku po kalojnë ukrainasit”, ka thënë Gërvalla.