SHKELZEN HALIMI

GJEOGRAFIA E DHEMBJES

Në këtë rrugë pa fund ma plagose rëndë gjumin
Kthehem në heshtje për ta vizatuar gjeografinë e dhembjes
Askush nuk më sheh në këtë mesnatë me orë të prishur

Me etjen e ushunjëzës dhe urinë e egërsirës
U jep fund pamjeve melankolike
Le të mbetet plagë e Gjergj Elez Alisë
Këngë e pa kënduar, shpresë e pa lindur

KAMBANË

Ja edhe kjo ditë po ik si çdo ditë tjetër
Makthi i mëngjesit mbulohet me terrin e natës
Që lëshohet para syve tanë
Më vjen pas krijesa që s’i besoj
Edhe në këtë udhëtim pa fund

Ja tek shfaqesh në formë hije
Me kambanën e vdekjes
Rrugëve të humbura
Ku heshtja vret pa mëshirë