Haradinaj takon ambasadorin Kelly, flasin për zhvillimet në Kosovë dhe rajon

05 dhjetor 14:30

Kryeministri i Kosovës, Ramush Haradinaj, ka pritur sot në takim ambasadorin e Irlandës në Hungari, i ngarkuar për Kosovën, Patrick Kelly, me të cilin ka biseduar për zhvillimet politike dhe ekonomike në Kosovë dhe rajon.

Me këtë rast, kryeministri Haradinaj ka falënderuar ambasadorin Kelly për mbështetjen që Republika e Irlandës, i ka dhënë dhe vazhdon t’i jap Kosovës, duke kërkuar edhe më tej këtë mbështetje në forcimin dhe konsolidimin e subjektivitetit ndërkombëtar të Kosovës dhe anëtarësimin e saj në organizata ndërkombëtare.

Ai e ka njoftuar ambasadorin Kelly për progresin e Kosovës dhe për përkushtimin e Qeverisë së Kosovës në plotësimin e agjendës së reformave evropiane, zhvillimin ekonomik dhe orientimin euroatlantik të saj.

“Fuqizimi i marrëdhënieve bilaterale në të gjitha fushat ndërmjet Republikës së Kosovës dhe Irlandës është i rëndësishëm, veçmas në atë të ekonomisë dhe të sigurisë”, ka thënë Haradinaj.

Ndërkohë ambasadori i Irlandës në Hungari, i ngarkuar për Kosovën, Patrick Kelly, ka vlerësuar raportet e mira ndërmjet dy vendeve, duke premtuar vazhdimin dhe thellimin e marrëdhënieve bilaterale në të mirë të dy vendeve dhe popujve.

/Epoka e re/ 

Lajme të sponsorizuara

Të fundit
Tenisti shqiptar, Jasin Jakupi është kualifikuar në kampionatin e Zvicrës,…