Sot në orën 14:00 në fshatin Gllogjan të Komunës së Deçanit me nderime shtetërore e ushtarake do t’i jepet lamtumira e fundit babait të kryeministrit Ramush Haradinaj, Hilmi Haradinaj, i cili ka ndërruar jetë në mbrëmjen e së shtunës, pas një sëmundjeje të rëndë.

Personaliteti i babait të dy dëshmorëve të kombit dhe katër gjeneralëve të UÇK-së është vlerësuar lart nga shqiptarët e të gjitha trevave.

Prej orës 11:00 kanë filluar homazhet pranë trupit të Hilmi Haradinajt, në Gllogjan.