Hoxhaj: Qeveria e ka prioritet krijimin e vendeve të punës

22 mars 13:54

Zëvendëskryeministri Enver Hoxhaj, ka marrë pjesë në simpoziumin ekonomik Francë – Kosovë.

Në këtë simpozium, zëvendëskryeministri Hoxhaj, ka deklaruar se Kosova dhe shtetndërtimi i saj janë storie suksesi falë miqve dhe aleatëve të saj, siç është Franca.

Ai ka theksuar se prioritet i Qeverisë së Kosovës mbetet zhvillimi ekonomik dhe hapja e vendeve të reja të punës për qytetarët e Kosovës.

“Prioritet i Qeverisë së Kosovës mbetet zhvillimi ekonomik dhe hapja e vendeve të punës. Megjithëse si shtet i ri kemi shumë sfida, kemi arritur që ta përdorim MSA-në si platformë për reformimin e shoqërisë dhe ekonomisë”, ka thënë Hoxhaj, në fjalën e tij në simpoziumin e parë ekonomik mes Kosovës dhe Francës.

Hoxhaj ka folur për progresin që ka shënuar Kosova në të bërit biznes, sipas indeksit të Bankës Botërore, duke lëvizur me dhjetëra vende përpara.

Ai ka thënë se pozita e favorshme gjeografike e Kosovës u mundëson bizneseve të huaja që të depërtojnë nëpër vendet e tjera të rajonit me produktet e tyre.

/Epoka e re/

Fjalët Kyçe:

Lajme të sponsorizuara

Të fundit
Kanë nisur punimet në rrugën nacionale M2 Prishtinë-Mitrovicë, konkretisht në…