Interi ka vendosur të bëjë ndryshime të rëndësishme në skuadër para sezonit të ri. Yann Sommer, Stefan de Vrij, Francesco Acerbi dhe Matteo Darmian pritet të largohen nga kampionët e Italisë, pasi nuk janë më pjesë e planeve të klubit.

Katër veteranët kanë qenë ndër figurat më të rëndësishme të Interit në vitet e fundit, duke dhënë një kontribut të madh në sukseset e zikaltërve në Serie A dhe në garat evropiane.

Largimi i tyre shënon fundin e një cikli për skuadrën italiane, e cila synon të ulë mesataren e moshës dhe të nisë një kapitull të ri.

Interi pritet të investojë te futbollistë më të rinj, me synimin për të ndërtuar një ekip më afatgjatë dhe për të ruajtur konkurrueshmërinë në sezonet e ardhshme.