Iowa do ta mbështesë Kosovën në fushën socio-ekonomike dhe të punësimit

13 qershor 2018 | 15:04

Ministri i Punës dhe  Mirëqenies Sociale (MPMS), Skender Reçica, gjatë qëndrimit në shtetin e Iowas në ShBA, ka zhvilluar një sërë takimesh me përfaqësues institucional, agjenci qeveritare dhe organizata që merren me çështje të punësimit, zhvillimit ekonomik dhe social.

Ai ka thënë se në këto takime ka marrë premtime se do ta mbështesin Kosovën në fushën socio-ekonomike dhe të punësimit.

“Zhvillova një takim me përfaqësues të Agjencisë Qeveritare të Iowas, që merret me zhvillim të fuqisë punëtore, me të cilët shkëmbyem ide rreth ndërtimit të bashkëpunimit në fushën e punësimit. Gjithashtu, vizitova Departamentin Qeveritar për Çështje të Veteranëve të Iowas, përfaqësuesit e të cilit i informova rreth obligimeve dhe përkushtimit të Qeverisë së Kosovës karshi veteranëve. Kosova tashmë ka bashkëpunim me shtetin e Iowas, konkretisht me kolegjin DMACC me të cilin ka iniciuar realizimin e disa programeve për edukim profesional. Pata kënaqësinë të takohem me përfaqësues të kolegjit DMACC me të cilët u dakorduam për thellim të mëtejmë të bashkëpunimit”.

 

“Nga Iowa mora premtime për mbështetje në fushën ekonomike dhe në kuadër të kësaj, isha për vizitë në Odën Ekonomike në Des Moines të Iowas, e cila nëpërmjet inovacionit, planifikimit strategjik dhe bashkëpunimit global, kontribuon në krijimin e vendeve të punës. Në këtë pikë, u dakorduam për konkretizim të bashkëpunimit nëpërmjet projekteve të caktuara”, ka shkruar Reçica në llogarinë e vet në “Facebook”.

 

/Epoka e re/

Image may contain: 2 people, people smiling, people standingImage may contain: 7 people, people smiling, people standing and suit

Lajme të sponsorizuara

Të fundit
Zëvendësministri i Punëve të Jashtme, Gjergj Dedaj, ka thënë se…