Komentuesi i tha dhuroja 1 milion euro Majlinda Kelmendit, kështu i përgjigjet Pacolli
07 dhjetor 2021
| 13:15
Presidenti i Aleancës Kosova e Re (AKR), Behgjet Pacolli, ka bërë dje një postim për xhudisten Majlinda Kelmendi, duke thënë se ajo do të mbetet heroinë e vendit, pasi lartësoi flamurin e Republikës dhe u bë inspirim për gjeneratat e reja.
Në këtë postim, ka komentuar një ndjekës në “Facebook”, i cili i ka bërë thirrje Pacollit që t’ia dhurojë Majlindës 1 milion euro.
“Dhuroja 1 milion Majlindës se më shumë ka bërë Majlinda se krejt klasa politike e Kosovës – Sevap”, ka shkruar ndjekësi.
Kësaj kërkese të tij, Pacolli i ka kthyer përgjigje të shkurtër.
“Ok jemi me Majlindën”, ka qenë përgjigja e Pacollit.