Komuna e Kaçanikut e angazhuar në pastrimin e rrugëve nga bora

14 janar 2019 | 15:39

Kryetari i Komunës së Kaçanikut, Besim Ilazi, dhe nënkryetari Ylber Bajra, kanë drejtuar mbledhjen e fillimjavës së ekzekutivit komunal, në të cilën janë njoftuar me punët dhe aktivitetet javore si dhe me planifikimet për javën që sapo kemi filluar.

Përfaqësues të Drejtorisë së Shërbimeve Publike dhe Emergjencave kanë bërë me dije se gjatë tërë javës kompania e kontraktuar për mirëmbajtjen e rrugëve nga bora, ka qenë e angazhuar në vazhdimësi për pastrimin e rrugëve, në lagjet dhe fshatrat e Komunës së Kaçanikut.

“Në vendet me ngrica dhe më të rrezikuara, është hedhur edhe kripë industriale si dhe zhavorr. Momentalisht të gjitha rrugët janë të kalueshme, por me vështirësi qarkullimi në zonat më të thella malore. Komuna e Kaçanikut është në gjendje gatishmërie për pastrimin e rrugëve, nga reshjet e tjera eventuale të borës. Në takim u diskutuan edhe punët dhe aktivitetet javorë që do të realizohen në javën që sapo kemi filluar nga drejtoritë dhe sektorët komunal”, ka njoftuar Komuna e Kaçanikut.

/Epoka e re/

 

Lajme të sponsorizuara

Të fundit
Moderatorja  e njohur kosovare e cila punon në “RTK”, Alketa…