Ambasadori i Shteteve të Bashkuara të Amerikës në Kosovë (ShBA), Philip Kosnett, sot ka vizituar kompleksin memorial në Krushë të Madhe.

Me këtë rast, kryetari i fshatit, Selami Hoti, e ka njoftuar ambasadorin amerikan për historinë e 64 personave të zhdukur gjatë luftës së fundit në Kosovë.

Diplomati amerikan ka bërë me dije se ShBA-të do të angazhohen në zgjidhjen e kësaj çështje.

“E di që keni marrë shumë premtime andaj nuk dua ta bëjë një të tillë, por Shtetet e Bashkuara të Amerikës do të angazhohen që në bashkëpunim me Serbinë ta zgjidhin çështjen e personave zhdukur gjatë luftës”, ka thënë Kosnetti raporton “Klan Kosova”.