KQZ-ja: Procesi i rinumërimit mund të përmbyllet të dielën

21 nëntor 16:53

Komisioni Qendror Zgjedhor (KQZ) ka bërë me dije se rinumërimi i më shumë se 1 400 vendvotimeve mund të përfundojë më herët se sa që ishte pritur.

Zëdhënësi i KQZ-së, Valmir Elezi, ka pohuar për “KosovaPress” se i gjithë procesi ishte planifikuar të përfundojë të hënën e ardhshme, por në bazë të dinamikës së deritanishme, ky proces pritet të përfundojë një ditë më herët.

“Besojmë se më shpejt sesa kemi planifikuar po arrijmë ta përfundojmë rinumërimin. Ka qenë e planifikuar që deri të hënën të përfundojë i gjithë ky proces. Sot mund të themi se gjasat janë shumë reale që edhe të dielën të përmbyllet rinumërimi i më shumë se 1 400 vendvotimeve për të cilat ka vendosur PZAP-i. Duke qenë se kanë mbetur për t’u rinumëruar 438 vendvotime pasi deri të mërkurën në mesnatë janë rinumëruar 969 vendvotime apo 68.87 për qind, po besojmë se procesi i rinumërimit mund të përmbyllet një ditë më herët, të dielën”, ka thënë Elezi.

Lajme të sponsorizuara

Të fundit
Situata aspak e këndshme tek Arsenali, ka bërë që Granit…