‘Ku është Topi i Artë?’ – Tifozët anglezë e provokojnë Yamalin në Madrid

16 nëntor 2026 | 10:41

Tifozët e Anglisë nuk e kanë kursyer Lamine Yamalin gjatë përballjes me Spanjën në Madrid, duke e kthyer garën për Topin e Artë në një nga temat kryesore të koreve të tyre.

Pas fitores 3:2 të anglezëve, mbështetësit e “Tre Luanëve” kanë ironizuar yllin e Barcelonës me thirrjen: “Ku është Topi yt i Artë?”.

Në anën tjetër, Harry Kane ishte heroi i tifozëve anglezë, të cilët kënduan vazhdimisht: “Harry Kane, më i miri në botë”, shkruan “Goal”.

Sulmuesi anglez kishte fituar Topin e Artë, duke lënë pas Kylian Mbappén, ndërsa Yamal ishte renditur në vendin e tretë.

Declan Rice kishte mbrojtur edhe më herët triumfin e bashkëlojtarit të tij, duke theksuar se Kane e meritonte çmimin për shkak të statistikave, trofeve dhe paraqitjeve vendimtare.

Megjithatë, mesfushori anglez nuk i ka kursyer as vlerësimet për Yamalin, duke e cilësuar si një prej futbollistëve më të mirë në botë dhe duke parashikuar se ai do të fitojë shumë Topa të Artë në të ardhmen.

Ndeshja përfundoi me fitoren 3:2 të Anglisë, duke i dhënë fund serisë së jashtëzakonshme të Spanjës prej 43 ndeshjesh pa humbje.

Kjo ishte vetëm humbja e tretë e trajnerit spanjoll në 55 ndeshje në krye të përfaqësueses.

Lajme të sponsorizuara

✖
Të fundit
Futbollisti i Kombëtares së Kosovës, Edon Zhegrova, është dribluesi më…