Ministri i Infrastrukturës, Pal Lekaj, ka pritur sot në takim Konsullin e Nderit të Kosovës në Vjenë të Austrisë, David Ungar-Klein.

Ministri Lekaj ka falënderuar Konsullin e Nderit Ungar-Klein, për vizitën e tij në Ministrinë e Infrastrukturës.

Ai e ka vlerësuar si të rëndësishëm bashkëpunimin me shtetin mik të Austrisë si dhe përkrahjen e këtij shteti dhënë shtetit të Kosovës.

Kreu i MI-së ka pohuar se Austria është model për Kosovën se si duhet të ndërtohen rrugët.

Ndërsa, Konsulli i Nderit i Kosovës në Vjenë,  David Ungar-Klein, e ka falënderuar ministrin Lekaj për këtë takim.

Ai ka theksuar se Austria  edhe në të ardhmen do të japë mbështetjen e saj për Kosovën.

Me këtë rast, Klein ka ftuar ministrin Lekaj që të marrë pjesë në konferencën për transportin, e cila do të mbahet në nëntor të këtij viti në Austri.

​