Robert Lewandwoski u prezantua zyrtarisht si lojtar i Barcelonës para 30 000 tifozësh në stadiumin “Camp Nou”, ku fjalët e para i dha në dialektin katalan: “Estic molt content” (jam shumë i lumtur), duke shtuar: “Faleminderit shumë”.

Sulmuesi polak, më pas foli në anglisht, duke pranuar se është nder të jesh lojtar i Barcelonës: “Ka qenë një rrugë e gjatë, por në fund jam këtu. Jam shumë i lumtur. Jam i sigurt që do të shënoj shumë gola në këtë stadium. Pres mbështetjen tuaj”. Përpara një turme të tillë, Lewandowski pranoi se “është e pabesueshme të shohësh kaq shumë tifozë në këtë stadium. “Është shumë e veçantë për mua. Jam i sigurt se çdo ndeshje në ‘Camp Nou’ do të jetë magjike. Shpresoj të fitojmë tituj. Unë e di që tifozët do të vijnë në stadium të dielën për të na dhënë mbështetjen e tyre. Jam i sigurt se ndeshjen e fundit para fillimit të sezonit ata do të vijnë për të na brohoritur, është shume e rëndësishme”, ka shtuar Lewandowski.

Sulmuesi polak zbuloi gjatë prezantimit të tij te Barça se do të mbajë mbi fanellë numrin 9, atë që deri tani e ka mbajtur Memphis Depay. Arsyeja ka të bëjë kryesisht me marketingun, sepse tifozët e Barçës, anembanë botës, janë të prirë të blejnë pikërisht fanellën me numër 9.

TOT EL CAMP! 👏👏👏 @lewy_official pic.twitter.com/dx8YpDKG6f

— FC Barcelona (@FCBarcelona) August 5, 2022

Bon dia! @lewy_official flexing the Catalan! ?❤️ pic.twitter.com/UaJwwvJmYj

— FC Barcelona (@FCBarcelona) August 5, 2022