Ministri në detyrë i Punës dhe Mirëqënies Sociale, nga radhët e Nismës, Skender Reçica ka njoftuar se ka derguar në Qeveri kërkesën për miratim që për të gjitha kategoritë e dala nga lufta të ndahen nga 100 euro për muajt shkurt, mars dhe prill.

Këtë e ka bërë me dije në televizionin Kanal 10.

“Me qëllim që të mbështesim kategoritë më të ndritura të trashëgimisë tonë më të lavdishme të luftës së UÇK-së, në këtë kohë të vështirë me pandeminë COVID-19, ne kemi marrë vendim që të gjitha këtyre kategorive t’iu ndajmë mjete shtesë në vlerë prej 100 euro gjatë këtyre tre muajve. Kjo shumë e ndarë e mjeteve do të bëhet nga pakoja për rimëkëmbje ekonomike sipas Nenit 24 të Ligjit nr 07/L -041 mbi ndarjet buxhetore për Buxhetin e Republikës së Kosovës  për  vitin 2021″, ka thënë Reçica.