Këngëtarja e njohur, Morena Taraku, është treguar gjithmonë e guximshme kur ka marrë vendime për të ndryshuar look-un e saj. Ajo herë pas here ka bërë ndryshime drastike, që fansat e kanë patur vështirë që ta njihin.

E kështu ka ndodhur edhe së fundmi. Morena ka vendosur që të rikthejë sërish flokëve të shkurtër e të heqë dorë nga extensions.

Këngëtarja ka ndarë në Tik Tok një video ku shfaqet pranë mikut të saj, ndërsa vëmendjen na e mori look-u i Morenës.

Ajo shfaqet me flokët e prera shkurt dhe në fakt, mezi e njohëm në pamje të parë. Ndërkohë kujtojmë që vitin që lamë pas, Taraku s’ka bërë thuajse fare pushime dhe ka punuar për projekte të reja muzikore, duke surprizuar herë pas here fansat e saj.

Vetëm tre muaj më parë, ajo solli një super bashkëpunim me mikun e saj, Stresin, të titulluar “Bad Girl”.