Trajneri Jose Mourinho ka mbërritur në Tiranë, për miqësoren që Roma e tij do të luajë ndaj Partizanit.

Në fjalët e para pas mbërritjes në Shqipëri, Mourinho deklaroi se këtë vend do e mbajnë në zemër, referuar Conferece League, të fituar një vit më parë.

“Gjithmonë i gëzuar që vij këtu. Në aspektin sportiv është një vend që do ta mbajmë gjithmonë në zemër pasi na lidh ajo që ndodhi një vit më parë. Ndërsa në aspektin personal gjithashtu kam vetëm ndjesi të mira pasi këtu gjej një mik të mirë siç është edhe kryeministri i vendit. Jam shumë i lumtur që e takoj pasi po bën një punë të shkëlqyer në këtë vend”, shprehet José Mourinho.