Të shtunën dhe të dielën fillon stinori pranveror në Superligën A të volejbollit të Kosovës, në të dy konkurrencat.

Ekipet kanë kryer të gjitha përgatitjet dhe lëvizjet e nevojshme përgjatë këtij pushimi respektivisht afati kalimtar. Secila ndeshje do të jetë derbi në vete duke marrë parasysh cilësinë e ekipeve si dhe përforcimet që kanë bërë klubet.

Federata e Volejbollit të Kosovës ka njoftuar se ka rritje të ndeshjeve që do të transmetohen në Radio Televizionin e Kosovës (RTK), në të dy konkurrencat, meshkuj dhe femra. Gjithashtu FVK-ja u uron suksese të gjitha ekipeve të përfshira dhe kompetitivitet sportiv të fortë, siç i kanë karakterizuar gjithmonë ndeshjet në volejbollin kosovar.