Opozita lëshon sallën e Kuvendit, shkak mungesa e Kurtit

11 qershor 16:42

Deputetët e partive opozitare kanë lëshuar sallën e Kuvendit të Kosovës, ku është duke u debatuar për ecurinë e procesit të dialogut me Serbinë me kërkesë të kryeministrit Albin Kurti.

Edhe pse ky debat është duke u mbajtur me kërkesë të Kurtit, ai nuk është duke marrë pjesë në këtë seancë dhe kjo ka bërë që deputetët e PDK-së, LDK-së dhe AAK-së ta lëshojnë sallën e Kuvendit.

Para se ta lëshojnë sallën, shefi i grupit parlamentar të PDK-së, Abelard Tahiri, ka kërkuar shtyrjen e kësaj seance për shkak të mungesës së Kurtit. Një gjë të tillë e ka kërkuar edhe shefi i deputetëve të LDK-së, Arben Gashi.

Një kërkesë e tillë nuk është përkrahur nga mazhoranca, dhe kështu opozita ka dalë nga salla në Kuvend.

 

 

 

 

Lajme të sponsorizuara

Të fundit
Skuadra e Prishtinës e cila është duke e zhvilluar fazën…