Peci: Produktet vendore në rradhë të parë!

27 nëntor 01:24

Ministri i Bujqësisë, Faton Peci ka vizituar ndërmarrjen “Konsoni”. “Konsoni” është lidere e prodhimit të vezeve dhe mishit të zogjve në Kosovë dhe rajon.

“Sot vizitova ndërmarrjen Konsoni, një ndër liderët e prodhimit të vezëve dhe mishit të zogjve në Kosovë dhe rajon.

Rritjen e pulave vojse, Konsoni e bën në fermën e tyre në Gjakovë ndërsa prodhimin e mishit dhe therjen e zogjëve🐣 në fshatin Livoq i Poshtëm në Komunën e Gjilanit”, ka shkruar në llogarinë e vet në “Facebook”, ministri Peci.

Postimi i plotë i ministrit Peci:

Sot vizitova ndërmarrjen Konsoni, një ndër liderët e prodhimit të vezëve dhe mishit të zogjve në Kosovë dhe rajon.

Rritjen e pulave vojse, Konsoni e bën në fermën e tyre në Gjakovë ndërsa prodhimin e mishit dhe therjen e zogjëve🐣 në fshatin Livoq i Poshtëm në Komunën e Gjilanit.

Që nga viti 2008, Konsoni ka filluar veprimtarinë e tij të prodhimit të mishit të pulës me një kapacitet prej 250 pulave në orë ndërsa sot ky kapacitet i therjes arrin deri në 1500 pula në orë.

Kjo ndërmarrje është shembull i avancimit të prodhimit dhe përsosjes së teknologjisë.

Aktualisht numëron 110 të punësuar ndërsa në fillimet e veta kishte startuar me 50 punëtorë.

Shembuj të tillë si Konsoni i shërbejnë sektorit të bujqësisë e prodhimtarisë bujqësore në Kosovë pasiqë vendosin standarde të larta të cilësisë, të cilat duhen ndjekur edhe nga ndërmarrje të tjera që merren me këtë veprimtari.

Si Ministër dhe si qytetar i Republikës së Kosovës, jam i vendosur dhe i përkushtuar që maksimalisht t’i mbështesim në rradhë të parë prodhimet vendore, fillimisht duke i promovuar ato e pastaj duke i blerë këto prodhime para larmishmërisë së produkteve që na servohen nga importi.

Në këtë mënyrë përmirësojmë bilancin tregtar dhe vlerësojmë prodhuesit vendorë.

Lajme të sponsorizuara

Të fundit
Një nga ngjarjet më enigmatike që ka ndodhur gjatë kohës…