Gennaro Gattuso nuk do të jetë më trajner i skuadrës së Milanit. Trajneri italian kishte kontratë me skuadrën kuqezi deri në vitin 2021, por dështimi për t’u kualifikuar në Ligën e Kampionëve e ka detyruar që të largohet.

“Vendimi të largohem s’ishte i lehtë. Por është dashur ta bëja”, ka thënë Gattuso për “La Repubblica”. Ai ka shtuar se ka hequr dorë nga pjesa e mbetur e kontratës “sepse historia ime me Milanin nuk mund të jetë kurrë çështje parash”.