Presidentja Osmani dhe ambasadori i Francës diskutojnë për dialogun Kosovë – Serbi
24 janar 2024
| 16:28
Presidentja e Republikës së Kosovës, Vjosa Osmani, ka pritur të mërkurën në takim ambasadorin e Republikës Franceze në Kosovë, Olivier Guerot.
Në këtë takim është diskutuat për zhvillimet e fundit në vend, procesin e dialogut Kosovë-Serbi si dhe bashkëpunimin bilateral në mes të Kosovës dhe Francës.
Presidentja Osmani ka folur edhe për rëndësinë e avancimit të Kosovës në rrugëtimin e saj të integrimit evropian, si një vend që ka dëshmuar angazhim serioz përmes reformave rrënjësore.
Në këtë takim, presidentja Osmani ka ritheksuar përkushtimin e Kosovës për bashkëpunim të vazhdueshëm në mes të institucioneve të Republikës së Kosovës dhe Francës, në të mirë të qytetarëve të të dyja vendeve.