Rreth 53 mijë persona vizituan hotelet e Kosovës në tremujorin e parë

04 qershor 2020 | 15:17

Në tremujorin e parë të vitit 2020, numri i vizitorëve, vendorë dhe të huaj, në Kosovë ishte 52,829 persona.

Kështu thuhet në raportin “Statistikat e Hotelerisë në Kosovë, tremujori i parë 2020”.

“Prej tyre 41.38 për qind ishin vendorë dhe 58.62 për qind ishin të jashtëm. Ndërsa, numri i net-qëndrimeve ishte 85,929 ku prej tyre 40.87 për qind nga vendorët dhe 59.13 për qind nga të huajt. Numrin më të madh të vizitorëve dhe net-qëndrimeve të tyre e ka rajoni i Prishtinës me 20,486 vizitorë dhe 34,105 net-qëndrimi”, thuhet në raportin e ASK-së.

Sipas ASK-së, numri më i madh i vizitorëve të huaj përqendrohet në Prishtinë, Prizren, Pejë e kështu me radhë.

Sa u përket vizitorëve të huaj numri më i madh është nga Shqipëria, Turqi, Gjermania, etj.

(A. M / Epoka e re)

Lajme të sponsorizuara

Të fundit
Serbia ka pranuar të pezullojë fushatën për tërheqjen e njohjeve…