Shtyhet rishqyrtimi i Ligjit për Specialen, Kuvendi vazhdon me seancën e rregullt

19 nëntor 2026 | 13:07

Është shtyrë deri në një njoftim të ardhshëm seanca e Kuvendit të Kosovës, në të cilën ishte paraparë rishqyrtimi i Ligjit për Dhomat e Specializuara dhe Zyrën e Prokurorit të Specializuar.

Këtë e ka bërë me dije nënkryetari i Kuvendit, Ardian Gola, i cili ka thënë se vendimi për shtyrje është marrë pas diskutimeve me grupet parlamentare.

“Pas diskutimeve me grupet parlamentare, konsideruam që seanca e cila është thirrur me tri pika për vazhdim sot në orën 10:00, të shtyhet deri në njoftimin e ardhshëm”, ka thënë ai.

Gola ka bërë me dije se Kuvendi do t’i vazhdojë punimet me seancën e rregullt.

Në seancën e shtyrë, përveç rishqyrtimit të Ligjit për Specialen, ishte paraparë edhe votimi i dy propozim-rezolutave: njëra për mungesën e barnave onkologjike dhe tjetra për gjendjen në planifikimin, çmimin dhe furnizimin me energji elektrike në Kosovë.

Lajme të sponsorizuara

✖
Të fundit
47 fishekë dhe një shumë e parave të gatshme iu…