Një numër i konsiderueshëm i specialistëve të stomatologjisë janë duke zhvilluar një protestë para Ministrisë së Shëndetësisë.

Motivi i kësaj proteste ka të bëjë me mungesën e krijimit të vendeve të reja të punës, njofton “Klan Kosova”.

Gjatë vitit të kaluar Ministria e Shëndetësisë iu ka premtuar stomatologëve se do të krijohen vende të reja pune.

Mirëpo sipas protestuesve, deri më tani nuk është hapur asnjë konkurs.

Zyrtarët e Ministrisë së Shëndetësisë tani janë duke zhvilluar një takim me përfaqësuesit e protestuesve, në mënyrë që të adresohen pakënaqësitë e këtyre të fundit.