Postimi i dytë më i përdorur në Katalonjë është “Valverde Out”, pas barazimit kundër Espanyolit në derbin që u luajt të shtunën në mbrëmje dhe nuk la aspak të kënaqur tifozët e Barcelonës.

Sërish një tjetër barazim dhe një paraqitje jo e mirë për Barcelonën, bënë që tifozët të revoltohen me skuadrën e tyre. Padyshim që fajtori sipas tyre për formën jo të mirë, është Ernesto Valverde dhe tifozët në rrjetet sociale kërkojnë largimin e tij nga timoni i skuadrës.

Në 10 ndeshjet e fundit jashtë fushe për këtë sezon, katalanasit kanë vetëm 15 pikë dhe kjo ka bërë që Valverde të jetë në një pozitë të vështirë.