Veseli në takim me komisionarin Hahn: Vendimi për heqjen e vizave nuk duhet të shtyhet

03 dhjetor 17:18

Kryetari i Kuvendit të Kosovës, Kadri Veseli ka takuar të hënën komisionarin evropian për zgjerim, Johannes Hahn, me të cilin ka biseduar për procesin e liberalizimit të vizave për Kosovën, dialogun me Serbinë si dhe reformat që Kosova po bën në shumë fusha.

Veseli ka falënderuar komisionarin Hahn për mbështetjen që Bashkimi Evropian i ka dhënë Kosovës.

Ai ka theksuar se qytetarët e Kosovës presin që BE-ja të jetë unike sa i përket heqjes së vizave, pasi tashmë çdo kriter është plotësuar.

Kryeparlamentari Veseli ka theksuar se është e padrejtë për qytetarët e Kosovës që edhe pas plotësimit të kritereve të kërkuara, të mbesin të vetmit të izoluar në Ballkan.

Sa i përket dialogut me Serbinë, kryetari Veseli theksoi se Kosova është e përkushtuar për arritjen e një marrëveshjeje finale, që do të zgjidhë një herë e përgjithmonë të gjitha çështjet e hapura e në të njëjtën kohë i hapë rrugë Kosovës për anëtarësim në Bashkimin Evropian, OKB, NATO dhe organizata të tjera.

Në lidhje me transformimin e Forcës së Sigurisë së Kosovës në ushtri, Kryeparlamentari Veseli e ka njoftuar komisionarin se Kuvendi i Kosovës do të miratojë ligjet për këtë, me 14 dhjetor. Ai ka theksuar se ky vendim do të jetë një hap i rëndësishëm për ruajtjen e paqes në Ballkan, duke forcuar po ashtu partneritetin me NATO-n.

/Epoka e re/

Lajme të sponsorizuara

Të fundit
Ambasadori i ri i Shteteve të Bashkuara të Amerikës (ShBA),…