Është kontrast sesi gjatë ditës shumica e qytetarëve në Prishtinë bartin maska në rrugë dhe reflektohet njëfarë respekti ndaj udhëzimeve zyrtare nga Qeveria e Kosovës në luftën kundër përhapjes së virusit Korona. Por, në kohën e kufizimit të qarkullimit, shumë vetura vërehen deri afër mesnatës në qarkullim. Ndërkaq në periferitë e qytetit shpejtësia mbetet jashtë kontrollit, raporton “Epoka e re”.

Gjatë 24 orëve të fundit janë testuar 491 mostra prej të cilëve rezultojnë 193 raste pozitive. Brenda 24 orëve janë raportuar 8 raste të vdekjes me SARS CoV-2 pozitiv. Numri total i rasteve pozitive është 10.988 raste nga 42.627 persona të dyshimtë në virusin SARS-CoV-2 dhe 373 raste të vdekjes.

“Rastet pozitive janë nga: komuna Prishtinë 56 raste, komuna Pejë 18 raste, komuna Gjilan 14 raste, komuna Vushtrri 13 raste, komuna Mitrovicë 11 raste, komuna Prizren 11 raste, komuna Podujevë 10 raste, komuna Gjakovë 8 raste, komuna Drenas 5 raste, komuna Viti 5 raste, komuna Ferizaj 4 raste, komuna Fushë Kosovë 4 raste, komuna Klinë 4 raste, komuna Skenderaj 4 raste, komuna Suharekë 4 raste, komuna Deçan 3 raste, komuna Lipjan 3 raste, komuna Malishevë 3 raste, komuna Dragash 2 raste, komuna Han i Elezit 2 raste, komuna Kaçanik 2 raste, komuna Obiliq 2 raste, komuna Shtime 2 raste dhe me nga një rast komunat Graçanicë, Kamenicë dhe Istog”, thuhet në njoftimin e Institutit Kombëtar të Shëndetësisë Publike të Kosovës.

Gjatë 24 orëve të fundit, janë shëruar 205 pacientë derisa numri i përgjithshëm i të shëruarve deri më sot është gjithsej 6.616 raste, kurse numri i rasteve aktive është 3.999.

(Epoka e re)