Drejtoria për Sport e komunës së Prishtinës, e cila udhëhiqet nga Granit Rugova, ka përzgjedhur laureatët e vitit 2022.

Një prej sportisteve “Shpresë e vitit 2022” është zgjedhur Vilëza Zeqiri, gjimnaste e Klubit të Gjimnastikës “Elita” e Prishtinës, ka njoftuar Klubi “Elita” në faqen e vet zyrtare.

“Elita”, që udhëhiqet nga trajnerët Shkumbin Maqastena dhe Abeliana Bregu, ka renditur edhe sukseset dhe aktivitetet e gjimnastes së tyre në garat vendore dhe ndërkombëtare.

Poashtu gjimnastja e “Elitës” Vilëza Zeqiri, me propozim të Federatës së Gjimnastikës së Kosovës, është përzgjedhur ‘Shpresë e vitit 2022’, edhe nga Komiteti Olimpik i Kosovës, ku do të mbeshtet finaciarisht për një vit me nga 150 euro në muaj.

Njoftimi i plotë i KGj “Elita”:

Vilëza Zeqiri, sportistja e klubit tonë, është përzgjedhur “Shpresë e vitit” e kryeqytetit nga Drejtoria e Sportit e komunës së Prishtinës.

Aktivitetet e Vilëzës gjatë vitit 2022 janë:

EYOF (European Youth Olympic Festival) përfaqësuese e, përzgjedhur nga FGjK dhe KOK,

Kampionati Ballkanik,

Gaia It 2022,

Gymfinity International 2022, medaliste (vendi i parë, dhe në dy disiplina vendi i tretë)/

Kampione e Kosovës 2022, kategoria juniore.

Bursiste e komunës së Prishtinës Për mbështetjen e vazhdueshme që u bëhen sportisteve tona, falënderojmë shumë Drejtorinë e Sportit të komunës së Prishtinës, Federatën e Gjimnastikës së Kosovës dhe të gjitha institucionet e tjera që janë krahu kryesor drejt rrugës së suksesit.