Vizitë e përbashkët gjermano-franceze në Prishtinë, shkak Specialja

10 janar 14:42

I dërguari i posaçëm për Evropën Juglindore, Turqinë dhe shtetet e EFTA-s në ministrinë gjermane të Punëve të Jashtme, dr. Christian Hellbach dhe shefi i Departamentit të Ballkanit Perëndimor të Ministrisë Franceze të Punëve të Jashtme dhe Evropiane, Thomas Bertin, sot (e mërkurë) dhe nesër (e enjte) do të jenë në Kosovë për një vizitë të përbashkët.

Sipas njoftimit të Ambasadës së Gjermanisë në Kosovë, gjatë vizitës së tyre ata do të takohen me presidentin Hashim Thaçi, kryeministrin Ramush Haradinaj dhe zëvendëskryeministrin e Republikës së Kosovës (nuk specifikohet emri i tij), përfaqësuesit e partive politike dhe shoqërisë civile.

“Vizita zhvillohet në sfondin e shqetësimeve në Berlin dhe Paris lidhur me përpjekjet e fundit për të shfuqizuar ligjin mbi Dhomat e Specializuara dhe Zyrën e prokurorit të specializuar. Tema të tjera për t’u diskutuar përfshijnë domosdoshmërinë e vazhdimit të reformave, veçanërisht në fushën e sundimit të ligjit, demokracisë dhe qeverisjes së mirë, të cilat janë thelbësore për afrimin e mëtejshëm të Kosovës drejt Bashkimit Evropian”, është thënë në njoftimin e ambasadës gjermane.

Fjalët Kyçe:

Lajme të sponsorizuara

Të fundit
Zlatan Ibrahimoviq ka sulmuar ashpër mediet suedeze në një intervistë…