![](https://www.epokaere.com/wp-content/uploads/2018/01/auto_2018-01-24T212423Z_1912261676_RC130811AE00_RTRMADP_3_SOCCER-ENGLAND-ARS-CHE1516830863.jpg)
Xhaka çon Arsenalin në finale të Carabao Cup
24 janar 2018
| 22:58
Arsenali ka eliminuar rivalin lokal, Chelsean nga Carabao Cup duke e mposhtur në gjysmëfinale.
Vendimtar në këtë takim ishte Granit Xhaka, i cili shënoi golin e fitores për “Topçinjtë”, raporton Koha.net.
Ishte Eden Hazard që kaloi Chelsean në epërsi në minutën e shtatë pas asistimit të Pedros.
Në minutën e 12 Arsenali arriti të barazojë shifrat me autogolin nga Rudiger.
Në pjesën e dytë Xhaka i dha epërsinë Arsenalit në minutën e 60-të, që doli të ishte goli i fitores.
Në finale të Carabao Cup skuadra e Arsenalit do të përballet me Manchester Cityn. Kjo finale zhvillohet më 25 shkurt në Wembley.